BREAKING NEWS

Post Top Ad

Your Ad Spot
�� Dabwali न्यूज़ है आपका अपना, और आप ही हैं इसके पत्रकार अपने आस पास के क्षेत्र की गतिविधियों की �� वीडियो, ✒️ न्यूज़ या अपना विज्ञापन ईमेल करें dblnews07@gmail.com पर अथवा सम्पर्क करें मोबाइल नम्बर �� 9354500786 पर

मंगलवार, जुलाई 02, 2019

ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਗੁਰਪੁਰਬ ਨੂੰ ਸਮਰਪਿਤ 1.5 ਲੱਖ ਪੌਦੇ ਲਗਾਏ ਜਾਣਗੇ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਵਿਚ

ਆਮ ਲੋਕ ਵੀ ਆਈ ਹਰਿਆਲੀ ਐਪ ਰਾਹੀਂ ਪੌਦੇ ਪ੍ਰਾਪਤ ਕਰ ਸਕਦੇ ਹਨ ਬਲਜੀਤ ਸਿੰਘ ਬਰਾੜ
ਸ੍ਰੀ ਮੁਕਤਸਰ ਸਾਹਿਬ, 2 ਜੁਲਾਈ
ਪੰਜਾਬ ਸਰਕਾਰ ਵੱਲੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਗੁਰਪੁਰਬ ਨੂੰ ਸਮਰਪਿਤ ਰਾਜ ਦੇ ਹਰੇਕ ਪਿੰਡ ਵਿਚ 550 550 ਪੌਦੇ ਲਗਾਉਣ ਦੀ ਮੁਹਿੰਮ ਤਹਿਤ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਵਿਚ 1,49,050 ਪੌਦੇ ਲਗਾਏ ਜਾਣਗੇ। ਇਹ ਜਾਣਕਾਰੀ ਵਣ ਮੰਡਲ ਅਫ਼ਸਰ ਸ: ਬਲਜੀਤ ਸਿੰਘ ਬਰਾੜ ਨੇ ਅੱਜ ਇੱਥੇ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਦਿੱਤੀ। 

ਸ: ਬਲਜੀਤ ਸਿੰਘ ਬਰਾੜ ਨੇ ਦੱਸਿਆ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਜੰਗਲਾਤ ਮੰਤਰੀ ਸ: ਸਾਧੂ ਸਿੰਘ ਧਰਮਸੋਤ ਦੀ ਅਗਵਾਈ ਵਿਚ ਵਿਭਾਗ ਵੱਲੋਂ ਜ਼ਿਲੇ ਵਿਚ ਮਗਨਰੇਗਾ ਸਕੀਮ ਦੀ ਸਹਾਇਤਾ ਨਾਲ ਵਿਆਪਕ ਯੋਜਨਾ ਉਲੀਕੀ ਗਈ ਹੈ। ਉਨਾਂ ਨੇ ਦੱਸਿਆ ਕਿ ਇਸ ਤਹਿਤ ਜ਼ਿਲੇ ਦੇ ਸਾਰੇ 271 ਪਿੰਡਾਂ ਵਿਚ ਪੌਦੇ ਲਗਾਏ ਜਾਣੇ ਹਨ ਅਤੇ ਪਾਣੀ ਦੀ ਉਪਲਬੱਧਤਾ ਅਨੁਸਾਰ ਇੰਨਾਂ ਵਿਚੋਂ 46 ਪਿੰਡਾਂ ਵਿਚ ਇਹ ਪੌਦੇ ਲਗਾਏ ਜਾ ਚੁੱਕੇ ਹਨ ਜਦ ਕਿ ਬਾਕੀ ਪਿੰਡਾਂ ਵਿਚ ਬਰਸਾਤਾਂ ਦੀ ਸ਼ੁਰੂਆਤ ਨਾਲ ਹੀ ਇਹ ਪੌਦੇ ਲਗਾ ਦਿੱਤੇ ਜਾਣਗੇ। ਉਨਾਂ ਨੇ ਕਿਹਾ ਕਿ ਵਿਭਾਗ ਦੋ ਸਾਲ ਤੱਕ ਮਗਨਰੇਗਾ ਸਕੀਮ ਦੀ ਸਹਾਇਤਾ ਨਾਲ ਇੰਨਾਂ ਪੌਦਿਆਂ ਦੀ ਸੰਭਾਲ ਕਰੇਗਾ ਤਾਂ ਜੋ ਇਹ ਪੌਦੇ ਰੁੱਖਾਂ ਵਿਚ ਬਦਲ ਸਕਨ। ਉਨਾਂ ਨੇ ਦੱਸਿਆ ਕਿ ਵਿਭਾਗ ਵੱਲੋਂ ਜਾਮਨ, ਨਿੰਮ, ਕਿੱਕਰ, ਵਣ, ਜੰਡ, ਬੋਹੜ, ਪਿੱਪਲ, ਸੁਖਚੈਨ, ਅਰਜੂਨ ਆਦਿ ਰੁੱਖ ਮਿੱਟੀ ਦੀ ਕਿਸਮ ਅਨੁਸਾਰ ਲਗਾਏ ਜਾ ਰਹੇ ਹਨ। ਉਨਾਂ ਦੱਸਿਆ ਕਿ ਪਿੰਡਾਂ ਦੀਆਂ ਅਜਿਹੀਆਂ ਥਾਂਵਾਂ ਤੇ ਇਹ ਪੌਦੇ ਲਗਾਉਣ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ ਜਿੱਥੇ ਚਾਰਦਿਵਾਰੀ ਦੀ ਸਹੁਲਤ ਹੈ। 

ਹਰਿਆਲੀ ਐਪ ਰਾਹੀਂ ਪ੍ਰਾਪਤ ਕੀਤੇ ਜਾ ਸਕਦੇ ਹਨ ਪੌਦੇ
ਵਣ ਮੰਡਲ ਅਫ਼ਸਰ ਸ: ਬਲਜੀਤ ਸਿੰਘ ਨੇ ਦੱਸਿਆ ਕਿ ਜ਼ਿਲੇ ਦਾ ਕੋਈ ਵੀ ਨਾਗਰਿਕ ਪਲੇ ਸਟੋਰ ਤੋਂ ਆਈ ਹਰਿਆਲੀ ਮੋਬਾਇਲ ਐਪ ਡਾਉਨਲੋਡ ਕਰਕੇ ਉਸ ਐਪ ਰਾਹੀਂ ਆਪਣੇ ਘਰ, ਖੇਤ ਜਾਂ ਆਲੇ ਦੁਆਲੇ ਲਗਾਉਣ ਲਈ 15 ਪੌਦੇ ਮੁਫ਼ਤ ਪ੍ਰਾਪਤ ਕਰਨ ਲਈ ਪੌਦਿਆਂ ਦੀ ਬੁਕਿੰਗ ਕਰਵਾ ਸਕਦਾ ਹੈ ਅਤੇ ਫਿਰ ਦਿੱਤੇ ਗਏ ਸਮੇਂ ਤੇ ਆਪਣੇ ਨੇੜੇ ਦੀ ਨਰਸਰੀ ਤੋਂ ਪ੍ਰਾਪਤ ਕਰ ਸਕਦਾ ਹੈ। ਉਨਾਂ ਨੇ ਕਿਹਾ ਕਿ ਇਹ ਪੌਦੇ ਮੁਫ਼ਤ ਦਿੱਤੇ ਜਾ ਰਹੇ ਹਨ। ਉਨਾਂ ਨੇ ਦੱਸਿਆ ਕਿ ਵਿਭਾਗ ਵੱਲੋਂ ਝਬੇਲਵਾਲੀ, ਆਸਾ ਬੁੱਟਰ, ਭਾਗਸਰ, ਰੱਥੜੀਆਂ, ਆਲਮਵਾਲਾ, ਗਿੱਦੜਬਾਹਾ ਤੇ ਮਲੋਟ ਦੀਆਂ ਨਰਸਰੀਆਂ ਵਿਚ ਪੌਦੇ ਤਿਆਰ ਕੀਤੇ ਜਾ ਰਹੇ ਹਨ। ਪਿੱਛਲੇ ਸਾਲ ਇਸ ਐਪ ਰਾਹੀਂ ਜ਼ਿਲੇ ਵਿਚ ਲੋਕਾਂ ਨੇ 2,13,942 ਪੌਦੇ ਪ੍ਰਾਪਤ ਕੀਤੇ ਸਨ। 

ਵਣ ਖੇਤੀ ਹੈ ਫਾਇਦੇ ਦਾ ਸੌਦਾ
ਵਣ ਮੰਡਲ ਅਫ਼ਸਰ ਨੇ ਸਰਕਾਰ ਦੀ ਇਕ ਹੋਰ ਸਕੀਮ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਕੋਈ ਵੀ ਕਿਸਾਨ ਆਪਣੇ ਖੇਤਾਂ ਵਿਚ ਜੇਕਰ ਰੁੱਖ ਲਗਾਉਂਦਾ ਹੈ ਤਾਂ ਉਸਨੂੰ ਪਹਿਲੇ ਸਾਲ ਪ੍ਰਤੀ ਪੌਦਾ 14 ਰੁਪਏ ਅਤੇ ਫਿਰ ਅਗਲੇ ਤਿੰਨ ਸਾਲਾਂ ਤੱਕ ਹਰ ਸਾਲ 7 ਰੁਪਏ ਪ੍ਰਤੀ ਪੌਦਾ ਦੀ ਦਰ ਨਾਲ ਸਰਕਾਰ ਵੱਲੋਂ ਸਬਸਿਡੀ ਦਿੱਤੀ ਜਾਂਦੀ ਹੈ। ਇਹ ਪੌਦੇ ਪੂਰੇ ਖੇਤ ਵਿਚ ਜਾਂ ਖੇਤ ਦੀਆਂ ਵੱਟਾਂ ਤੇ ਜਿਵੇਂ ਮਰਜੀ ਲਗਾਏ ਜਾ ਸਕਦੇ ਹਨ। ਇਸ ਸਕੀਮ ਦਾ ਲਾਭ ਲੈਣ ਲਈ ਕਿਸਾਨ ਵਿਭਾਗ ਦੇ ਮਲੋਟ, ਸ੍ਰੀ ਮੁਕਤਸਰ ਸਾਹਿਬ ਅਤੇ ਲੰਬੀ ਵਿਖੇ ਬਣੇ ਰੇਂਜ ਦਫ਼ਤਰਾਂ ਨਾਲ ਰਾਬਤਾ ਕਰ ਸਕਦੇ ਹਨ।


ਮੀਡੀਆ ਦਾ ਸਹਿਯੋਗ ਜਰੂਰੀ
ਵਣ ਮੰਡਲ ਅਫ਼ਸਰ ਨੇ ਪੰਜਾਬ ਵਿਚ ਵਣਾਂ ਹੇਠ ਘੱਟ ਰਕਬੇ ਤੇ ਚਿੰਤਾਂ ਪ੍ਰਗਟ ਕਰਦਿਆਂ ਕਿਹਾ ਕਿ ਹਰ ਇਕ ਨਾਗਰਿਕ ਨੂੰ ਰੁੱਖ ਲਗਾਉਣੇ ਚਾਹੀਦੇ ਹਨ ਅਤੇ ਇੰਨਾਂ ਦੀ ਸੰਭਾਲ ਕਰਨੀ ਚਾਹੀਦੀ ਹੈ। ਉਨਾਂ ਨੇ ਵਾਤਾਵਰਨ ਦੇ ਮੁੱੱਦੇ ਤੇ ਜਨ ਜਾਗਰੂਕਤਾ ਲਈ ਮੀਡੀਆ ਦਾ ਸਹਿਯੋਗ ਜਰੂਰੀ ਦੱਸਦਿਆਂ ਕਿਹਾ ਕਿ ਜਦ ਆਮ ਲੋਕ ਇਸ ਵਿਸੇ ਤੇ ਗੰਭੀਰ ਹੋਣਗੇ ਤਾਂਹੀ ਅਸੀਂ ਆਪਣੇ ਪੌਣ ਪਾਣੀ ਦੀ ਰਾਖੀ ਕਰਨ ਦੇ ਸਮੱਰਥ ਹੋਵਾਂਗੇ। 

कोई टिप्पणी नहीं:

Post Top Ad

पेज